श्रावण बहरत खुलवत आला!
श्रावण बहरत खुलवत आला
तनामनाला फुलवत आला
छान छानसे रंग रंगुनी
नाचत मिरवत हसवत आला
हिरवी हिरवी मऊ सुतशी
शाल मखमली सजवत आला
बागेमधल्या फुलाफुलांच्या
संगत सोबत बरसत आला
सुवासिक फुले दरवळणारा
आसमंत हा विहरत आला
निलिमा कदम
पाहिलेले मी तुला....
पाहिलेले मी तुला.... जगरहाटी सांगताना पाहिलेले मी तुला खेळ वेडा मांडताना पाहिलेले मी तुला सात जन्माची कहाणी याच देही भोगली गाठ पदरी बांधताना पाहिलेले मी तुला साथ नसताना कुणाची जागली तू रात भर भूक मारुन रांधताना पाहिलेले मी तुला मीठ भाकर कोरडी पण आसभरल्या पापण्या सानुल्यांना वाढताना पाहिलेले मी तुला माय म्हणुनी तू स्वतःला होमकुंडी झोकले सर्व ईच्छा जाळताना पाहिलेले मी तुला निलिमा कदम
Comments
Post a Comment